Cois Life

Bunaíodh an comhlacht foilsitheoireachta Cois Life i 1995 chun saothair liteartha agus taighde a chur ar fáil i nGaeilge. Foilsítear leabhair Ghaeilge d’fhoghlaimeoirí, do dhaoine óga, drámaí léirithe, ficsean agus filíocht. Foilsítear monagraif acadúla freisin, sa tsraith Lúb ar Phár.

Faigheann Cois Life cúnamh ón gComhairle Ealaíon, agus ó Bhord na Leabhar Gaeilge. Tá an comhlacht cláraithe le CLÉ - Cumann Leabharfhoilsitheoirí Éireann.

Dáileoirí: Áis, 31 Sráid na bhFíníní, Baile Átha Cliath 2. (+353 01 219 0223)

Ríomhphost: eolas@coislife.ie
Fón/Fax: +353 01 219 0223

Seoladh cláraithe:
Cois Life Teoranta
62 Páirc na Rós
Ascaill na Cille
Dún Laoghaire
Co. Bhaile Átha Cliath
Éire

Books published by Cois Life:
Dún an Airgid
Éilís Ní Dhuibhne

ClubLeabhar.com - Leabhar mhí na Nollag 2009

‘Is aoibhinn an áit é Dún an Airgid - baile nua foirfe agus daoine deasa lonnaithe ann. Útóipe nua-aoiseach. Ach lá amháin téann an leabharlannaí Laoise Ní Bhroin ar iarraidh. An bhfuil dúnmharfóir srathach i gceist? Céard a bhí faoi cheilt ag Laoise? Tugann Éilís Ní Dhuibhne léargas grinn dúinn ar shaol na healaíne agus an rachmais, saol atá lán den chaimiléireacht agus den mhí-ionracas.’

Ar Muir is ar Sliabh
Dermot Somers

ClubLeabhar.com - Leabhar mhí an Mheithimh 2010

Is láithreoirí teilifíse iad Brian agus Lise, iad sna fichidí, aclaí agus dathúil. Tá neart dúshlán i ndán dóibh agus iad páirteach i sraith nua eachtraíochta atá á scannánú amuigh faoin aer. Tá na tréithe agus na buanna acu, áfach, a bheidh ag teastáil le dul i ngleic leis na fadhbanna go léir a thiocfaidh chun cinn agus lucht féachana a mhealladh.

Tá Brian ar a shuaimhneas ar tír nó san aer, ach is fearr le Lise bheith ar an uisce. Cuireann an tsraith faoi bhrú iad beirt agus tá an stiúrthóir Marcas ar a dhícheall ag iarraidh smacht a fháil ar chúrsaí.

Cúpla Focal
Anna Heussaff

ClubLeabhar.com - Leabhar mhí na Bealtaine 2010

Úrscéal grá agus suirí i stíl éadrom spórtúil ó údar cáiliúil Bás Tobann. Imeachtaí aon tráthnóna amháin, ach ansin is iomaí insint ar eachtraí an aon lae. Oiriúnach d’fhoghlaimeoirí fásta agus mar scíthléitheoireacht.

Sceon na Mara
Liam Ó Muirthile

[ClubLeabhar.com - Leabhar mhí na Nollag 2010]: [http://www.clubleabhar.com/Leabhar.aspx?id=12&Lang=ga]

Scéal bleachtaireachta é Sceon na Mara a bhaineann go dlúth leis an bhfarraige ar an gcósta thoir, agus a thugann léargas ar stráice comhaimseartha de shaol na hÉireann. Tá dúnmharfóir ban amuigh ansin, é ag baint sásaimh as craos cortha a shamhlaíochta féin. Nó an bhfuil sé inár measc féin? Tá an pobal Filipíneach go háirithe, scanraithe. Jack Hennessy agus a mheitheal a chaitheann dul sa tóir air. Fear stuama, righin é Hennessy. Agus mar is dual don iar-iománaí contae seo as Cill Chainnigh, tá an diongbháilteacht go smior ann.

Favela
Alex Hijmans

ClubLeabhar.com - Leabhar mhí Eanáir 2011

Cónaíonn Alex Hijmans i mbruachbhaile bocht, contúirteach sa Bhrasaíl. An t-aon duine den chine geal i gceantar plódaithe, ina bhfuil sliocht na nAfracach a tógadh chun na Brasaíle mar sclábhaithe ag streachailt leis an saol go laethúil, tá Alex ag iarraidh teacht ar rún mhuintir na háite: conas a éiríonn leo saol sona a chaitheamh in áit atá beo bocht?

Niall Tóibín ag léamh gearrscéalta le Seán Mac Mathúna / Úlla
Seán Mac Mathúna

ClubLeabhar.com - Saothair mhí Aibreáin 2011

Is féidir saothair mhí Aibreáin ar ClubLeabhar.com a cheannach le chéile ar phraghas speisialta anseo.

Filíocht Ghrá na Gaeilge

Filíocht Ghrá na Gaeilge