Ó foilsíodh an leabhar seo den chéad uair i bhFraincis i 1943 táthar tar éis é a aistriú go breis is 250 teanga eile. Is é ceann de na leabhair is mó díol riamh é agus tá níos mó ná 200 milliún cóip de díolta ar fud an domhain.

Aistear iontach foghlama trí thíortha agus trí phláinéid i bhfad i gcéin atá sa saothar seo. Is aistriúchán iontach é an leagan Gaeilge nach gcailleann blas an bhunsaothair a raibh aigne fhiosrach an duine óig le sonrú chomh mór sin air. Cé go bhfuil teanga an leabhair simplí, tá doimhneacht ag baint leis chomh maith. Is clasaic é seo atá oiriúnach do gach aoisghrúpa.