Podchraoladh

Éist lenár bpodchraoladh anseo nó ar do rogha ardáin:

Leabhar mhí Dheireadh Fómhair 2026

Tóraíocht an Duine ar Bhrí (Man’s Search for Meaning)

Irene Duffy-Lynch

Céadfhoilsíodh é sa bhliain 1946, agus ón am sin i leith tá breis is 16 milliún cóip de díolta. Tá na glúnta léitheoirí i ndiaidh a bheith gafa go hiomlán leis na tuairiscí a thugann sé ar ainghníomhartha champaí bás na Naitsithe. Ní scéal faoi fhulaingt amháina atá ann, áfach ach iniúchadh domhain ar thóraíocht an duine ar bhrí na beatha. Láithreoir: Seán Ó Catháin. Aíonna: Irene Duffy-Lynch agus Aindrias Ó Cathasaigh.

2026

Leabhar mhí Mheán Fómhair 2026

Heartstopper 3

Alice Oseman

Sa tríú leabhar sa sraith Heartstopper, leanann Charlie agus Nick ag forbairt a gcaidreamh agus iad ar thuras scoile go Páras na Fraince. Feictear an beirt ag streachailt le gnéithe éagsúla den teacht amach – mar daoine aonair agus mar lánúin; agus feictear tionchar na bulaíochta a chonaiceamar níos luaithe sa scéal. Aistrithe ag Eoin McEvoy. Foilsithe ag Futa Fata. Láithreoir: Seán Ó Catháin. Aíonna: Lisa Nic an Bhreithimh agus Caolán Mac Grianna

Leabhar mhí an Mheithimh 2026

An Cleasaí Dubh

Brían Mac a’ Bhaird

Maireann scéalta Bhríain Mhic a’ Bhaird i saol atá idir an coitianta agus an corr – saol ina mbuaileann draíocht na samhlaíochta le gnáthshaol na tuaithe. Tá na carachtair a chruthaíonn sé beo daonna, ach bíonn scáil éiginnteachta ag crochadh tharstu go minic, le seift éigin agus rúndiamhair fite fuaite i scéalta a mbeatha. Láithreoir: Seán Ó Catháin Aíonna: Dáibhidh Ó Luinín agus Caoimhín Ó Liatháin

Leabhar mhí na Bealtaine 2026

An Saol Sona

Máirín Ní Mhárta

Colscartha óna bhean, caidreamh ar éigean aige lena mhac, ní thuigeann Éric cén chaoi a ndeachaigh a shaol amú air oiread. Léas solais atá i ndeis nua oibre, a cheanglaíonn arís é le seanchara scoile agus a thugann go cathair Seoul é, ach ní mhaireann an solas sin i bhfad. Tógfaidh sé eispéireas as an ngnáth le cabhrú le Éric na rudaí tábhachtacha sa saol a aithint… Láithreoir: Seán Ó Catháin Aíonna: Anna Heussaff agus Cian Ó Dubhshláine

Leabhar mhí Aibreáin 2026

Glórtha an Tráthnóna

Máire Nic Mhaoláin

Tá an scéal seo suite i mbaile tuaithe in iarthuaisceart na hIodáile sna 1940í. Ríomhtar an scéal trí shúile mná óige, agus faightear spléachadh ar a saol siúd agus ar shaol na gcomharsan. Ón eagrán Iodáilise de 'Le voci della sera amach' le Natalia Ginzburg a d’fhoilsigh Einaudi i 1971 a aistríodh Glórtha an Tráthnóna. Aistrithe ón Iodáilis ag Máire Nic Mhaoláin, buaiteoir Ghradam de Bhaldraithe, 2024. Láithreoir: Seán Ó Catháin Aíonna: Caitlín Nic Íomhair agus Oisín Montanari

Leabhar mhí an Mhárta 2026

Na Bróga Peile agus scéalta eile

Seosamh Céitinn

Cnuasach spreagúil atá anseo a thugann an léitheoir ar thurais éagsúla: chuig óige an scéalaí i gCorcaigh; chuig cathracha iasachta ar nós Sydney na hAstráile, Manchain agus Londain i Sasana; chuig Oileán Bharra in Albain; chuig Ardoifig an Phoist le linn Éirí Amach na Cásca 1916 agus chuig Láthair an Áir sa bhliain 1914.

Leabhar mhí Feabhra 2026

Bódléar

Darach Ó Scolaí

Úrscéal é seo a phléann leis an athrú a bhí ag teacht ar shaol agus ar chultúr na tuaithe ar fud na hEorpa san 19ú haois. Ceiliúradh freisin é ar dhomhan na bhfilí Muimhneacha agus ar an ngaol speisialta a bhí againn leis an Fhrainc. Bhuaigh an leabhar seo Duais an Oireachtais 2024 agus Gradam Uí Shúilleabháin ‘Leabhar na Bliana’ 2025 Láithreoir: Seán Ó Catháin Aíonna: Úna Nic Cárthaigh agus Ava Ní Loinsigh

2025

Leabhar mhí na Samhna 2025

Eachtraí Réics Carló 4: Dúnmharú i bPáirc an Chrócaigh

An mhí seo, labhair Seán Ó Catháin le Nóra Nic Con Ultaigh, Stiúrthóir Oideachais le Fighting Words, agus le Rónán Mistéil, a bhíonn i mbun léirmheastóireachta ar leabhair ar chlár raidió ‘Splanc’ ar Newstalk, faoin gceathrú leabhar sa tsraith Réics Carló Dúnmharú i bPáirc an Chrócaigh le Cathal Ó Sándair.

Leabhar mhí na Bealtaine 2025

Cuimhní Poircealláin agus Scéalta Eile

Majella Ní Dhomhnaill

An mhí seo, labhair Seán Ó Catháin le Lisa Nic an Bhreithimh, scríbhneoir agus craoltóir raidió le Raidió na Life, agus le hÉilis Neary, iarrthóir PhD le Fiontar & Scoil na Gaeilge in Ollscoil Chathair Bhaile Átha Cliath, faoi chnuasach gearrscéalta Majella Ní Dhomhnaill Cuimhní Poircealláin agus Scéalta Eile.

2024

Leabhar mhí na Nollag 2024

An Grá agus an Ghruaim

Seosamh Mac Grianna

An mhí seo, labhair Seán Ó Catháin le Dubhán Ó Longáin, file, scríbhneoir, taighdeoir, agus teagascóir, agus le hAilbhe Nic Giolla Chomhaill, léachtóir le Gaeilge in Ollscoil Luimnigh, faoin gcnuasach gearrscéalta An Grá agus an Ghruaim le Seosamh Mac Grianna.

Leabhar mhí na Samhna 2024

An Corpán sa Trunc / Réics Carló - Uimhir a Trí 3

Cathal Ó Sándair

An mhí seo, labhair Seán Ó Catháin le Louisa Ní Éideáin, fuirseoir agus scríbhneoir atá lonnaithe i mBaile Átha Cliath, agus le Conall Mac Dhonnagáin, Oifigeach Gaeilge le Leabhair Pháistí Éireann, faoin úrscéal bleachtaireachta An Corpán sa Trunc le Cathal Ó Sándair.

Leabhar mhí Dheireadh Fómhair 2024

Flaitheas

Proinsias Mac a Bhaird

An mhí seo, labhair Seán Ó Catháin le Gráinne Ní Ghilín, a bhíonn ag léiriú cláir do pháistí agus ag teagasc in Ollscoil na Banríona i mBéal Feirste, agus leis an bhfile Dubhán Ó Longáin, faoin úrscéal Flaitheas le Proinsias Mac a’ Bhaird a d’fhoilsigh Leabhar Breac sa bhliain 2023.

Leabhar mhí Mheán Fómhair 2024

Heartstopper

An mhí seo, labhair Seán Ó Catháin le hEoin McEvoy, file, drámadóir, aistritheoir agus ealaíontóir focal a d’aistigh an t-úrscéal grafach Heartstopper go Gaeilge.

Leabhar mhí an Mheithimh 2024

Athmháthair

Michela Murgia

An mhí seo, labhair Seán Ó Catháin le Hannah Rice, aistritheoir, agus le Stiofán Ó Briain, mac léinn dochtúireachta i Scoil na Gaeilge, an Léinn Cheiltigh agus an Bhéaloidis in UCD, faoi aistriúchán Mháire Nic Mhaoláin ar an úrscéal Athmháthair le Michela Murgia.

Leabhar mhí na Bealtaine 2024

Corp an Duine Uasail

Pénélope Bagieu

An mhí seo, labhair Seán Ó Catháin le hEmma Ní Chearúil, a bhíonn ag plé le cúrsaí meán agus raidió, agus le Katie Whelan, mac léinn PhD, faoin úrscéal grafach Corp an Duine Uasail le Penélope Bagieu.

Leabhar mhí Aibreáin 2024

Saighdiúir

Cathal Ó Searcaigh

An mhí seo, labhair Seán Ó Catháin le Aonghus Ó hAlmhain, ríomhchláraitheoir agus blagálaí, agus le Liam Mac Amhlaigh, Ollamh Comhlach le Gaeilge in Ollscoil Mhá Nuad faoi úrscéal Chathail Uí Shearcaigh, Saighdiúir.

Leabhar mhí an Mhárta 2024

Geansaithe Móra

Gearóidín Nic Cárthaigh

An mhí seo, labhair Seán Ó Catháin le Lisa Nic an Bhreithimh, gníomhaí pobail agus scríbhneoir splancfhiscsin, agus le Bríd-Treasa Ní Ghaoithín, Comhordaitheoir na gClár Gaeilge le ‘Fighting Words, faoi chnuasach scéalta Ghearóidín Nic Cárthaigh, Na Geansaithe Móra.

Leabhar mhí Feabhra 2024

Sa Pholl Báite

Anna Heussaff

An mhí seo, labhair Seán Ó Catháin le Caomhán Ó hÓgáin, aistritheoir atá lonnaithe sa Bhruiséal agus a bhíonn i mbun craolta ar Raidió na Life, faoi leabhar bleachtaireachta nuafhoilsithe Anna Heussaff, Sa Pholl Báite.

Leabhar mhí Eanáir 2024

Ag dul i bhfad

Alan Titley

An mhí seo, labhair Seán Ó Catháin le Sorcha de Brún, léachtóir sa Nua-Ghaeilge in Ollscoil Luimnigh faoi chnuasach gearrscéalta Alan Titley, Ag Dul i bhFad.

2023

Leabhar mhí na Nollag 2023

An tEitleán Dofheicthe / Réics Carló – Uimhir a Dó 2

Cathal Ó Sándair

An mhí seo labhair Seán Ó Catháin le Zoya Everard, cúntóir teanga atá lonnaithe sa Ghearmáin ach atá i mbun cúrsa iarchéime san aistriúchán, agus le Rónán Mistéil, a bhíonn i mbun léirmheastóireachta ar an gclár raidió ‘Splanc’ ar Newstalk, faoin dara leabhar i sraith scéalta Réics Carló An tEitleán Dofheicthe le Cathal Ó Sándair.

Leabhar mhí na Samhna 2023

Múscail, a Ghiorria

Eithne Ní Ghallchobhair

An mhí seo labhair Seán Ó Catháin le hAilbe van der Heide, Cúntóir Leabharlainne i gCnuasach Bhéaloideas Éireann, agus le hAedín Ní Thiarnaigh, atá ina craoltóir, faoi Múscail, a Ghiorria le hEithne Ní Ghallchobhair.

Leabhar mhí Dheireadh Fómhair 2023

Spluff Splaifeirtí agus an tIonradh ar an bPlainéad MARZ

Ré Ó Laighléis Ré Ó Laighléis

An mhí seo labhair Seán Ó Catháin le hEilís Everard, tástálaí teanga le Teastas Eorpach na Gaeilge agus le Jody Buckley-Coogan, a bhfuil blianta caite aige ag obair agus ag déanamh staidéir ar an nGaeilge, faoi úrscéal Ré Uí Laighléis, Spluff Splaifeirtí agus an tIonradh ar an bPlainéad MARZ.

Leabhar mhí Mheán Fómhair 2023

Spluff Splaifeirtí agus an tIonradh ar an bPlainéad MARZ

Ré Ó Laighléis Ré Ó Laighléis

An mhí seo, labhair Seán Ó Catháin leis an scríbhneoir Réaltán Ní Leannáin, agus le hEoin P. Ó Murchú, aistritheoir, faoin úrscéal Béal na Péiste le Fionntán de Brún.

Leabhar mhí an Mheithimh 2023

Na Cócha Móra

An mhí seo, labhair Seán Ó Catháin le Emily Barnes, Ollamh Cúnta le hOideachas Teanga i Scoil an Oideachais i gColáiste na Tríonóide, agus le Liam Mac Amhlaigh, léachtóir le litríocht agus teanga na Gaeilge in Ollscoil Mhá Nuad, faoin úrscéal Na Cócha Móra le Mícheál Ó Siochrú.

Leabhar mhí na Bealtaine 2023

El

An mhí seo, labhair Seán Ó Catháin le Deirdre Nic Chárthaigh, léachtóir le Gaeilge i gColáiste na Tríonóide, agus le hAonghus Ó Lochlainn, léiritheoir raidió na Raidió na Gaeltachta, faoi úrscéal fantaisíocht agus staire Thaddeus Ó Buachalla, EL.

Leabhar mhí Aibreáin 2023

Siúrmó

An mhí seo, labhair Seán Ó Catháin le Lisa Nic an Bhreithimh, gníomhaí sóisialta agus scríbhneoir splancfhicsin, agus le hAonghus Ó hAlmhain, inealltóir bogearraí agus blagálaí, faoin úrscéal Siúrmó le Jean-Claude Izzo.

Leabhar mhí an Mhárta 2023

Imram agus Scéalta Eile

An mhí seo, labhair Seán Ó Catháin le Hannah Rice, saoraistritheoir atá lonnaithe sa Bheilg, agus le Caitlín Nic Íomhair, léachtóir le litríocht na Gaeilge in Ollscoil Mhá Nuad, faoi gcnuasach gearrscéalta Imram agus Scéalta Eile le Róise Ní Bhaoill.

Leabhar mhí Feabhra 2023

Na Ríthe Beaga

An mhí seo labhair Seán Ó Catháin le Bríd-Treasa Ní Ghaoithín, Comhordaitheoir na gClár Gaeilge le ‘Fighting Words, agus le Oisín Montanari, Oifigeach Forbartha Acmhainní le Gaelchultúr faoi aistriúchán Mháirín Nic Con Iomaire ar an úrscéal Fraincise Na Ríthe Beaga le Delphine de Vigan.

Leabhar mhí Eanáir 2023

Na Ríthe Beaga

An mhí seo labhair Seán Ó Catháin le Emma Ní Chearúil, craoltóir le Raidió Rí-Rá agus a bhíonn ag plé leis an clár ‘Splanc’ ar Newstalk, agus le Caomhán Ó hÓgáin, aistritheoir atá lonnaithe sa Bhruiséil agus a bhíonn i mbun craolta ar Raidió na Life, faoin úrscéal Na Mairbh a D’fhill le Cathal Ó Sándair.

Blianta