Leabhar mhí an Mheithimh 2011

Bí páirteach sa phlé ar an leabhar seo:

Meitheamh 2011

Seal sa Pholainn

Alan Desmond

Sa bhliain 2003 thug Alan Desmond aghaidh ar an bPolainn chun Gaeilge a mhúineadh in Ollscoil Chaitliceach Lublin, in Oirthear na tíre sin. Conradh bliana a bhí aige agus is beag a shíl sé go bhfanfadh sé ceithre bliana ann. Chomh maith le cuntas beoga soléite a thabhairt ar na háiteanna éagsúla ar thug sé cuairt orthu tugann sé léargas tuisceanach dúinn sa leabhar seo ar mhuintir na Polainne féin, ar a ndílseacht don chreideamh Caitliceach, a mbá leis an bPápa Polannach, Eoin Pól II, agus a nósanna ag féilte eaglasta. Tá cur síos freisin ar an éagóir a rinneadh ar an bPolainn le linn agus i ndiaidh an dara cogadh domhanda agus ar na hathruithe a tháinig ar an tír ó cuireadh deireadh leis an réimeas cumannach inti agus an Pholainn anois ina ballstat de chuid an Aontais Eorpaigh. Agus breis agus 200,000 Polannach i bPoblacht na hÉireann faoi láthair is beag Éireannach nach mbíonn teagmháil ó am go chéile le duine acu. Ba mhór an chabhair an leabhar seo chun aithne níos fearr a chur orthu.

Gluais don leabhar Sliocht ón leabhar
* Ar fáil do bhaill chláraithe amháin

Cá gceannóidh mé an leabhar seo
Ceannaigh an leabhar ar líne ar Siopa.ie

Leabhair mholta

Heartstopper

Beirt bhuachaillí. Cairdeas. Ansin, grá. Scéal mór-ráchairte LADTA+ faoin saol, faoin ngrá agus faoi gach uile rud idir eatarthu. Tá Charlie agus Nick ag freastal ar an scoil chéanna, ach níl aon aithne acu ar a chéile – go dtí an lá gur gá dóibh suí in aice lena chéile. Tá siad mór lena chéile láithreach agus ní fada go dtosaíonn Charlie ag titim i ngrá lena chara nua. Níl ach fadhb amháin ann: níl seans dá laghad ann go mbraitheann Nick an bealach céanna faoi Charlie… nó an bhfuil? Scríofa agus maisithe ag Alice Oseman. Aistrithe ag Eoin McEvoy.

Múscail, a Ghiorria

Eithne Ní Ghallchobhair

Scéalaíocht fhileata le Eithne Ní Ghallchobhair.

Béal na Péiste

Fionntán de Brún

Nuair a thuirlingíonn eitilt Réamainn Prút i mBéal Feirste in 1988, tá sé ag filleadh ar a bhaile dúchais ina strainséir. Cuireann sé sonrú sna fógraí móra a fheiceann sé d’uimhir fóin rúnda na bpéas, seirbhís lena dtig sceitheadh ar lucht sceimhlitheoireachta agus ualach a bhaint de do choinsias. Ach tá Réamann ag cuimhneamh ar a óige agus ar an deilín a bhíodh ag na seanmóirithe sráide tráth: Come listen to my tale of Jonah and the whale; Way down in the middle of the ocean! Cuimhníonn sé fosta ar oíche chinniúnach i mí na Nollag 1942. An oíche ar léim sé amach as eitleán Gearmánach ar chósta Chontae an Dúin go ndearna a bhealach go dtí teach a thuismitheoirí tríd an dúdhorchadas. Bhuaigh an saothair seo duais i gComórtais Liteartha an Oireachtais 2022.

Madame Lazarre

Tadhg Mac Dhonnagáin

Ó bhí sí ina páiste óg, tá Levana bródúil as a dúchas Giúdach agus as na mná láidre a chuaigh roimpi. Duine acu sin í Hana Lazare, seanmháthair Levana, a theith ina cailín óg di óna tír dhúchais i dtuaisceart na hEorpa, an t-aon duine amháin dá muintir a tháinig slán ó shlad an Shoah. Ach nuair a thagann mearbhall intinne ar Hana i ndeireadh a saoil, sceitheann blúirí eolais óna béal a fhágann Levana trína chéile. Seoltar an bhean óg ar aistear a thugann uirthi gach rud a dúirt a seanmháthair riamh léi a cheistiú. De réir mar a ghluaiseann an scéal ó Pháras go dtí an Bhruiséil go hiarthar na hÉireann, druideann Levana le fíorscéal a seanmháthar agus leis an tubaiste ba chúis leis an saol rúnda atá caite ag Madame Lazare.

Duan Na Nollag

Charles Dickens Maitiú Ó Coimín

Leagan Gaeilge de cheann de na scéalta Nollag is cáiliúla a scríobhadh riamh atá mar leabhar mhí na Nollag ar Clubleabhar.com.

Beatha Phí (Life of Pi)

Aistriúchán Gaeilge ar Life of Pi le Yann Martel.