Leabhar mhí Eanáir/Feabhra 2010

Tá pósadh Mhártain Mhic Cormaic tite as a chéile, tá éiginnteacht ann maidir lena phost agus ní athair rómhaith é dá mhac. Is geall le sobal a shaol. Ach ní ní drochrud amach is amach é sin, mar go mbíonn sé ábalta tarraingt ar a shobalsaol go rialta agus é i mbun pinn mar scriptscríbhneoir don sobal teilifíse Béal an Chuain. Ní leasc leis imeachtaí a shaoil a úsáid go rialta ina chuid oibre, rud a chuireann fearg ar go leor daoine. Is charachtar daonna é Mártan, rud a threoraíonn isteach i gcroí an léitheora é.

Tá cáil ar Standún as feabhas na cainte agus inchreidteacht na gcarachtar ina chuid scéalta, agus ní taise do Sobalsaol é. Carachtair bheo bheathacha atá cruthaithe aige anseo, a bhfuil caint líofa bheoga acu, agus meallann na heachtraí réalaíocha an léitheoir le díriú isteach ar shaol tubaisteach Mhártain Mhic Cormaic!