Na leabhair

Bí páirteach sa phlé ar na leabhair seo:

Leabhar na Míosa

Heartstopper 3
Meán Fómhair 2026

Heartstopper 3

Alice Oseman

Níor cheap Charlie riamh go mbeadh mothúcháin ag Nick dósan freisin, ach anois tá siad ag siúl amach le chéile. Agus d’inis Nick dá mham é! Ach ní rud é an teacht amach a tharlaíonn uair amháin sa saol – tá deartháir Nick ann, agus turas go Páras, gan trácht ar na cairde agus na baill teaghlaigh eile go léir – agus bíonn an saol crua, fiú agus duine grámhar le do thaobh. De réir mar a rachaidh a gcuid mothúchán i ndoimhneacht, beidh gá níos mó ag Charlie is Nick lena chéile ná mar a bhí riamh cheana.

Tuilleadh eolais

Leabhair atá le teacht

Nollaig Oileánach
Nollaig 2026
Nollaig Oileánach
Micheál Ó Conghaile

Cur síos ar shaol oileáin atá anseo, oileán atá bánaithe anois – Inis Treabhair i gCeantar na nOileán i gConamara – sa tréimhse réamhleictreachais agus gan ach timpeall dhá scór duine ina gcónaí ar an oileán. Tá cur síos le fáil ar an Nollaig, ar shaol agus obair na ndaoine, caitheamh aimsire, nósanna agus ar mhuintir an oileáin féin agus mar a chuaigh siad i ngleic leis an saol laethúil ar oileán cung. Cé gur léiriú pearsanta é seo ón taobh istigh, is léiriú freisin é ar thionchar an tsaoil mhóir amuigh agus mar a chuaigh i bhfeidhm ar óige an údair.
Sí
Samhain 2026
Sí
Seán Ó Muireagáin

Úrscéal coirscéinséir le Seán Ó Muireagáin. Titeann néal dorcha ar theaghlach rúnmhar nuair a théann siad i dtreis leis an olc. An éireoidh leo a theacht slán? Is éanacha scoite iad Hannah agus a haintín Brídín a bhfuil cónaí orthu i gceantar tuaithe ar imeall an Atlantaigh, agus tá rúndiamhair dhorcha acu nach féidir leo a roinnt leis an phobal ina maireann siad go síochánta. Ach tarlaíonn eachtraí tubaisteacha a chuireann an tsíocháin sin as a riocht, a chuireann a saol féin i mbaol agus a fhosclaíonn doras ar dhorchadas nach féidir leo a dhúnadh arís. De réir mar a thiteann scáil ar a saol, tuigeann siad go bhfuil súile ag faire go géar orthu agus bagairt ag teacht ón taobh amuigh. I ngéibheann idir an rún agus an eagla, bíonn orthu roghanna crua a dhéanamh, fiú más é an praghas atá le híoc acu ná deireadh a theacht leis an tsuaimhneas a shantaigh siad ariamh.
Tóraíocht an Duine ar Bhrí (Man’s Search for Meaning)
Deireadh Fómhair 2026
Tóraíocht an Duine ar Bhrí (Man’s Search for Meaning)
Irene Duffy Lynch

Céadfhoilsíodh é an bhliain 1946, agus ón am sin i leith tá breis is 16 milliún cóip de díolta. Tá na glúnta léitheoirí i ndiaidh a bheith gafa go hiomlán leis na tuairiscí a thugann sé ar ainghníomhartha champaí bás na Naitsithe. Ní scéal faoi fhulaingt amháina atá ann, áfach ach iniúchadh domhain ar thóraíocht an duine ar bhrí na beatha. D’aimsigh Viktor Frankl an bhrí sin fiú san cúinní ba dhorcha den bheatha, agus chonaic sé go raibh splancacha dóchais agus áilleachta le fáil san cúinní céanna ainneoin na n uafás do-aithriste in thimpeall.

Leabhair go dtí seo

2026

2025

2024

2023

2022

2021

2020

2019

2018

2017

2016

2015

2014

2013

2012

2011

2010

2009